Ақтау қаласының прокуроры тағайындалды
16:03, 01 Ақпан 2023
АҚТАУ. ҚазАқпарат - Бас прокурордың бұйрығымен Ақтау қаласының прокуроры болып аға әділет кеңесшісі Тұрмағамбетов Ержан Сисенбайұлы тағайындалды, деп хабарлайды ҚазАқпарат тілшісі.
Ержан Сисенбайұлы 1974 жылы дүниеге келген. Қазақ гуманитарлық заң университетін заңгер мамандығы бойынша бітірген.
Еңбек жолын 2004 жылы Атырау облысының прокуратурасында бастаған. Прокуратура органдарында тәжірибесі мол.
Атырау қаласы прокуратурасының бөлім басшысы, Астана қаласы Сарыарқа ауданы прокуратурасының бөлім басшысы, кейін Бас прокурордың көмекшісі қызметтерін атқарған.
2017 жылдың қазан айынан бастап Маңғыстау облыстық прокурорының орынбасары қызметін атқарды.