+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Ақша ұсақтап беріңізші - теміртаулық сатушыларды ескі тәсілмен алдаған

2021 жылғы 22 шілде 10:35
Бөлісіңіз:
Ақша ұсақтап беріңізші - теміртаулық сатушыларды ескі тәсілмен алдаған

НҰР-СҰЛТАН. ҚазАқпарат – Ақша ұсақтату сылтауымен бірнеше сатушыны сазға отырғызған теміртаулық жігіт Қарағандыда ұсталды, деп хабарлайды ҚазАқпарат тілшісі.

Ұқсас жаңалықтар
ШҚО-да үш күн ішінде мал ұрлығына қатысты 11 қылмыс ашылды Нұр-Сұлтанда синтетикалық есірткі саудалаушы ұсталды Жамбылда бес күнде 37 қылмыс ашылды

Елорданың Біржан Сал көшесіндегі дәмханада жас жігіт кесек купюраны ұсақтату сылтауымен кассадан 10 мың теңгені жымқырған. Оның бұл тәсілі интернетте кеңінен танымал тәсіл болып саналады. Кейін күдіктінің дәл осындай жолмен астанадағы үш дүкеннің сатушыларын да алдағаны белгілі болды.

«Алаяқ дүкеннен азық-түлік сатып алып, есеп айырысар кезде 10 мыңдық кесек ақша көрсетіп, бірақ қолынан шығармастан, сатушының әрекетін күтіп тұрады. Сатушы оған қайтаруы тиіс артық ақшаны санап жатқанда түрлі әңгімеге айналдырып, 10 мыңдық купюраны қайта әмиянға сүңгітіп отырған. Ал сатушылар автоматты түрде азық-түлік құнынан «артылған ақшаны» жігітке ұстатып жіберген. Жедел-іздестіру кезінде күдікті Қарағанды қаласында ұсталды», - деді Нұр-Сұлтан қаласы полиция департаментінің баспасөз қызметі.

Күдіктінің үстінен «Алаяқтық» бабы бойынша қылмыстық іс қозғалды. 29 жастағы күдікті бұрын есірткімен байланысты қылмысқа барғаны үшін сотталған.

«Полиция кәсіпкерлерге ақша айырбастау түріндегі алаяқтықтан сақ болу керектігін ескертеді. Көбінесе алаяқтар сатушыларды ақшаны ұсақтау сылтауымен алдайды», - делінген департаменттің мәліметінде.


Біздің каналымызға жазылыңыз:

Бөлісіңіз:

Автор:

Есімжан Нақтыбай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT