АҚШ-тың кондитер фабрикасында өрт болды

АСТАНА. ҚазАқпарат - АҚШ-тың Техас штатындағы кондитер фабрикасында ірі өрт болды. Бұл туралы ТАСС америкалық NBC телеарнасына сілтеме жасап хабарлайды.

Өрт 130 мың тұрғыны бар Уэйко қаласында орналасқан фабрикада болды. Кәсіпорында жүздеген адам жұмыс істейді, олардың барлығы қауіпсіз аумаққа көшірілді.

Алдын ала мәліметтер бойынша, өнімдерді тасымалдауға арналған жүк көліктері өртенген. 5-тен көп көлік толығымен жанып кетті. Өрт сөндірушілер өртті ауыздықтап үлгерді.

Өрттің орын алу себептері анықталуда.

Телеарна Уэйко қаласындағы фабрикада шоколад өндірілетіндігін хабарлады.