АҚШ-тың бұрынғы вице-президенті Капитолийді басып алу ісі бойынша тергеледі

ВАШИНГТОН. ҚазАқпарат - АҚШ Әділет департаментінің прокуратурасы 2021 жылдың 6 қаңтарында Капитолийді басып алуға қатысты тергеу аясында бұрынғы вице-президент Майк Пенстен жауап алады, деп хабарлайды ҚазАқпарат тілшісі CNN-ге сілтеме жасап.

Прокурорлар бұрынғы вице-президенттің өкілдеріне бұрынғы президент Дональд Трамп пен оның одақтастарының 2020 жылғы сайлаудан кейін биліктің ауысуына кедергі жасау әрекетіне қатысты қылмыстық тергеу аясында жүгінді.

М. Пенстің командасы бұрынғы вице-президент кейбір дәлелдерді ұсыну үшін Әділет департаментімен ықтимал келісімді талқылауға ашық екенін айтты.

Құқық қорғау органдарының қызығушылығын жақында жарияланған М.Пенстің бұрынғы президенттің 2020 жылғы сайлау нәтижелерін жою ниетіне қатысты Д. Трамппен қарым-қатынастың кейбір аспектілерін сипаттайтын естеліктері тудырған болуы мүмкін.

Бұған дейін Әділет министрлігі Пенстің бас кеңесшілері Грег Джейкоб пен Марк Шортқа сұрақ қоюда біраз жетістікке жеткен. Бұл қылмыстық тергеу Д.Трамптың жақын ортасында жалғасуы мүмкін екенін көрсеткен.

Рүстем Қожыбаев

Фото: edition.cnn.com