АҚШ-тың әуе компаниялары Қазақстанға биыл ұша алады
«Мемлекет басшысының тапсырмасын орындау мақсатында АҚШ-қа ұшуды жүзеге асыру үшін құқықтық база бекітілді. Бүгінгі күні Қазақстан мен Жапония арасында құқықтық база бар және ол елдер арасында аптасына 14 рейс жиілігімен рейстерді ашуға мүмкіндік береді. Ағымдағы жылы Жапония мен АҚШ-қа мұндай рейстерді ашу үшін отандық компанияларға мемлекеттік қолдау көсету мәселелерін талқылаймыз», - деді ол министрліктің кеңейтілген алқа мәжілісінде.
Осы орайда, алқа мәжіліске төрағалық етіп отырған ҚР Үкімет басшысының бірінші орынбасары Асқар Мамин бастапқы кезеңде бұл рейстердің шығынға бататындығын айтып, оларды субсидиялау мәселесін шешу қажеттігін ескертті.
«Қазір рейстерді субсидиялау үшін құжаттар топтамасын жасап жатырмыз. Жапониямен келісімге қол қойылған және екінші жартыжылдықта бұл елге тікелей рейс ашамыз. Ұшуларды Эйр Астана орындайды. Ал АҚШ-қа қатысты айтар болсам, Азаматтық авиация комитеті мен Эйр Астана компаниясы қауіпсіздік критерийлеріне сәйкес Американың авиациялық билігінің аудитінен өтуі қажет. Бұл шамамен 2 жыл уақытта алады. Бірінші кезеңде шетелдік компания тартылуы мүмкін. Осылайша, америкалық әуе компаниялары биылдан бастап Қазақстанға ұшуды орындауға мүмкіндігі бар. Ал біз АҚШ-қа 2021 жылы ұша аламыз»,- деді Роман Скляр.
Аталған мәселеге қатысты пікір білдірген Эйр Астана әуе компаняисының президенті Питер Фостер бұл процесті жеделдетуге де мүмкіндік бар екендігін айтты.
«Әсіресе, АҚШ ішкі қауіпсіздік департаментінің мақұлдауын алу ұзақ процесс. Келіссөздер қазірдің өзінде басталды. Бұл мәселеде министрлікпен тығыз жұмыс жасап жатырмыз. Нью-Йорк рейстерін аралық пунктер арқылы жүзеге асыру нұсқасы қарастырылуда. Бұл да коммерциялық тасымалдаудаулар туралы қосымша келісімге қол қоюды талап етеді. Дегенмен, барлығы жоспарға сай болса, онда келесі жылдан бастап ұшуларды бастауды көздеп отырмыз», - деді П.Фостер.
Еске сала кетсек, 30 қаңтарда өткен Үкіметтің кеңейтілген отырысында Елбасы Америка Құрама Штаттары мен Жапонияға тікелей әуе рейсін ашу мәселесі биыл шешілуі тиіс екендігін айтқан болатын.