+7 (701) 759 90 19
USD 437.20 EUR 475.32
RUB 5.79 CNY 61.94
Jańalyqtar

АҚШ төрт жыл ішінде Айға сапар шегуді жоспарлап отыр

2020 жылғы 5 ақпан 12:02
Бөлісіңіз:
АҚШ төрт жыл ішінде Айға сапар шегуді жоспарлап отыр

ВАШИНГТОН. ҚазАқпарат – АҚШ президенті Дональд Трамп «Мемлекеттің жағдайы» деп аталатын жыл сайынғы жолдауы кезінде заң шығарушыларды алдағы төрт жыл ішінде Ай бетіне ғарышкерлерді жіберу бағдарламасын толық қаржыландыруға шақырды, деп хабарлайды ҚазАқпарат.

«Мен Айдағы келесі ер адам мен алғашқы әйел – америкалық астронавтар болатынына кепілдік ретінде Конгресстен Artemis бағдарламасын қаржыландыруды сұраймын. Бұл Американың Марста өз туын орнатуына алғашқы қадам болмақ», - деп мәлімдеді АҚШ президенті.

2017 жылдың желтоқсан айында Трамп «Аполлон-17» жобасының 45 жылдығында Айға астронавтарды жіберу туралы НАСА бастамасына қол қойған болатын. Былтыр наурыз айында вице-президент Майк Пенс агенттікке 2024 жылға дейін уақыт берді. Бұрынырақ агенттік Ай бетіне 2028 жылға дейін қонуды жоспарлаған болатын.

Мамырда Ақ үй Artemis деген атпен танымал Айды зерттеу бастамасын қолдау үшін НАСА бюджетін 2020 жылы 1,6 миллиард долларға арттыруға тырысатынын мәлімдеді. Нәтижесінде, агенттік Айға адамдарды жіберу үшін 600 миллион доллар көлемінде қолдауға ие болды.

Дегенмен, The Verge басылымына берген сұхбатында НАСА басшысы Джим Бриденстайн бағдарламаның жетістігі қаржыландыруға байланысты екенін жеткізді. Оның айтуынша, 2021 жылдың бюджеті одан да маңыздырақ және ол 600 миллион доллардан да көп болуы керек.


Біздің каналымызға жазылыңыз:

Басты сөздер: Ғылым, Ғарыш, Әлем, Америка,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT