АҚШ-та жолаушылар пойызы мен жүк көлігі соқтығысып 3 адам қаза тапты
2022 жылғы 28 маусым 15:12

АҚШ-та жолаушылар пойызы мен жүк көлігі соқтығысып 3 адам қаза тапты

НҰР-СҰЛТАН. ҚазАқпарат - АҚШ-тың Миссури штатында жолаушылар пойызы мен жүк көлігінің соқтығысуы салдарынан үш адам қаза тауып, ондаған адам жарақат алды, деп хабарлайды ҚазАқпарат BBC News-ке сілтеме жасап.

Американың «Amtrak» ұлттық теміржол операторының хабарлауынша, Лос-Анджелестен Чикагоға бағыт алған «Southwest Chief» жолаушылар пойызы Мендон маңындағы теміржол өткелінде жүк көлігіне соғылған.

Оқиға салдарынан 7 вагон мен 2 локомотив рельстен шығып кеткен. Жол-патрульдік полиция қызметкерлері соқтығыстың салдарынан пойыздағы екі адам, жүк көлігінде бір адам қаза тапқанын растады. Пойыздағы 243 жолаушы мен 12 экипаж мүшесінің кем дегенде 50-і жарақат алған. Бұған дейін пойыздардың рельстен шығып кетуіне байланысты жол-көлік оқиғалары Иран, Қытай және Германияда тіркелген.


Ұқсас жаңалықтар

Jańalyqtar

Үрдіс

MURAǴAT