АҚШ-та торнадо тұрып, 25 адам көз жұмды

Автор:  
Гүлнұр Ғазизқызы

АҚШ-та торнадо тұрып, 25 адам көз жұмды

АСТАНА. ҚазАқпарат – АҚШ-тың Миссисипи штатында торнадо дауылы тұрып, 25 адам мерт болды, деп хабарлайды ҚазАқпарат Euronews-ке сілтеме жасап.

Табиғат құбылысынан Роллинг-Форк қаласы қаттырақ зардап шекті. Қалада жүздеген ғимарат қирап, ондаған адам жарақаттанды.

АҚШ Президенті Джо Байден бірнеше округте төтенше жағдай режимін жариялады. Зардап шеккендерге көмек беруді тапсырды. Соны ішінде уақытша баспана тұрғызу да бар. Бүлінген инфрақұрылымды қалпына келтіріп, тұрғын үйлері сақтандырылмағандарға жеңілдікпен несие беру қажеттігін айтты.

Айта кетсек, 2011 жылғы сәуірде осы штатта торнадо тұрып, 31 адам ажал құшқан еді.





Серіктестер жаңалықтары