+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

АҚШ елшісі Уильям Мозер Семей сынақ полигонына келді

2019 жылғы 28 мамыр 18:51
Бөлісіңіз:
АҚШ елшісі Уильям Мозер Семей сынақ полигонына келді

СЕМЕЙ. ҚазАқпарат - АҚШ елшісі Уильям Мозер мен АҚШ Қорғаныс министрлігі Қауіп-қатерді азайту жөніндегі агенттігінің (DTRA) директоры Вейл Оксфорд Семей сынақ полигоны алаңына келді, деп хабарлайды ҚазАқпарат.

Курчатов қаласына сапармен келген АҚШ елшісі Уильям Мозер «Байкал-1» зерттеу реакторлары кешеніне барды. Онда атом энергетикасын дамыту саласындағы және ядролық қаруды таратпау мәселелерін шешудегі қазақстандық-америкалық ынтымақтастық шеңберіндегі жобаларды жүзеге асыру барысымен танысты. Атап айтқанда, БН-350 реакторының пайдаланылған ядролық отынын тасымалдау және сақтау жөніндегі бірегей жобаны іске асыру, объектілердің физикалық қауіпсіздігін қамтамасыз ету нәтижелері ұсынылды. Сондай-ақ, зерттеу реакторларын төмен байытылған отынға конверсиялау бойынша ағымдағы жұмыстармен танысты.

ҚР Ұлттық ядролық орталығы мен АҚШ ұйымдарының ядролық сынақтарды жүргізу инфрақұрылымдарын жою жөніндегі алғашқы жұмыстары «Жаппай қырып-жоятын қару инфрақұрылымын жою» жөніндегі келісім шеңберінде 1996-2000 жылдар аралығында жүргізілді.

«2000 жылдан бастап жұмыстар үшжақты негізде (ҚР-АҚШ-РФ) жүргізілді. Нәтижесінде ядролық қызмет қалдықтары бар сынақ ұңғымалары консервацияланды. «Колба» контейнерлері көмілді, екі объектіден арнайы технологиялық жабдықтар алынып, Ресейге әкетілді. Барлық жоспарланған штольнялық объектілерде ядролық қызмет қалдықтарын байланыстыру және физикалық тосқауылдарды күшейту жұмыстары толығымен аяқталды. Сондай-ақ, DTRA өкілдерімен бірге ССП сынақ алаңдарында үш деңгейлі физикалық қорғаудың заманауи жүйесі құрылды» делінген ҚР Ұлттық ядролық орталығы таратқан ақпаратта.

Біздің каналымызға жазылыңыз:

Бөлісіңіз:

Автор:

Бағым Ғалымбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT