Ақордада Мемлекеттік наградалар жөніндегі комиссияның отырысы өтті

НҰР-СҰЛТАН. ҚазАқпарат - Қырымбек Көшербаев ҚР Президенті жанындағы Мемлекеттік наградалар жөніндегі комиссияның отырысын өткізді, деп хабарлайды Ақорданың баспасөз қызметі.

«Бүгін Мемлекеттік хатшы Қырымбек Көшербаевтың төрағалығымен Қазақстан Республикасы Президентінің жанындағы Мемлекеттік наградалар жөніндегі комиссияның отырысы өтті. Комиссия отырысында мемлекеттік органдардың, ұйымдар мен қоғамдық бірлестіктердің мемлекеттік наградалармен марапаттау жөніндегі ұсыныстары қаралды»,-делінген хабарламада.