10:17, 10 Қаңтар 2018 | GMT +6
Ақорда Елбасының АҚШ-қа алғашқы сапары бейнеленген видеоны жариялады
АСТАНА. ҚазАқпарат - 2018 жылдың 16-18 қаңтары аралығында Нұрсұлтан Назарбаев Америка Құрама Штаттарына ресми сапармен барады.
Бұл туралы Ақорданың Фейсбуктегі ресми парақшасында хабарланды.
Сапар барысында АҚШ Президенті Дональд Трамппен, сондай-ақ АҚШ-тың ресми және іскер топтар өкілдерімен кездесулер жоспарланып отыр. Президент сондай-ақ БҰҰ Қауіпсіздік Кеңесінің отырысына қатысады.
Осы орайда Ақорданың баспасөз қызметі Мемлекет басшысының 1992 жылы мамыр айында жасаған тұңғыш сапарынан бейнематериал жариялады.
Фото: facebook.com/usembassy.astana