Қолданушы баптаулары
Қолданушы баптаулары
+7 (701) 759 90 19 Лента
USD 378.90 EUR 422.74
RUB 5.87 CNY 54.80
Jańalyqtar

Ақмолалық полицейлер екі баласымен далада қалған келіншекке көмектесті

2019 жылғы 16 сәуір 00:11 389
Бөлісіңіз:
Ақмолалық полицейлер екі баласымен далада қалған келіншекке көмектесті

КӨКШЕТАУ. ҚазАқпарат - Ақмола облысының полицейлері екі баласымен далада қалған келіншекке көмектесті, деп хабарлайды ҚазАқпарат тілшісі облыстық ПД баспасөз қызметіне сілтеме жасап.

Ұқсас жаңалықтар
Джеки Чан тарту еткен кітап Елбасы кітапханасына келіп түсті 5G телефондар шынында да зиянды ма - The New York Times

Ведомствоның мәліметі бойынша,  Көкшетау қалалық ПБ №1-ші әкімшілік участогінің ювеналды полиция бөліміне екі бала асырап отырған жергілікті тұрғын Алина И хабарласып,  көмек сұраған.

Зардап шегушінің сөзінше, ағымдағы жылдың сәуір айында азаматтық некедегі күйеуі отбасылық түсініспеушіліктен кейін оны балаларымен бірге жалдап тұрып жатқан пәтерден қуып шыққан. Осыған орай,  балалардың мүддесі мен құқықтарын қорғау мақсатында ювеналды полиция қызметкерлері бұл мәселені жасөспірімдердің ісі бойынша комиссияның қарауына шығарды.

Бір айта кетерлігі, келіншек пен балаларында Қазақстан Республикасының азаматтығы және жеке  куәлігі болмаған.

Әйелдің өзі айтқандай, оның ата-аналары Қазақстаннан Ресейге қоныс аударып,  сонда ажырасқан. Кейін жасөспірім шағында ол анасымен бірге Қазақстанға қайтып оралған.

Алайда, Ресейде болғанында 14 жасқа толмағандықтан Ресей Федерациясының азаматтының төлқұжатын ала алмаған. Ал анасы онкологиялық аурумен науқастанғандықтан құжат рәсімдеуге мүмкіндігі болмаған және  миграциялық картаның мерзімін өткізіп алған. Осының салдарынан Алинаның өзі ғана емес, балаларының да құжаттары жоқ.

"Қазіргі кезде,  Көкшетау қалалық ПБ Ювеналды полиция бөлімінің өтінішхаты бойынша келіншек екі баласымен бірге Көкшетау қалалық әлеуметтік бейімдеу орталығына жайғастырылды. Бұдан бөлек,  Алинаның Ресей Федерациясының елшілігінен азаматтықтың барын не жоғын білдіретін анықтама алуы үшін бюджеттен қаржы бөлу мәселесі қаралып отыр.Осы анықтаманы алғаннан кейін Алина мен оның балаларының құжаттарын рәсімдеу мәселесі шешілетін болады", - дейді ведомствоның баспасөз қызметіндегілер.

 Сонымен қатар,  ювеналды инспекторлар Ресей Федерациясының елшілігінен азаматтық мәртебе туралы анықтама алғаннан кейін Алина мен оның балаларының құжаттарын рәсімдеуге,  балалардың әкесін анықтауға және балаларды асырауға алимент алу үшін өтініш жазуға көмектеспекші. 

 

 

Біздің каналымызға жазылыңыз:

Басты сөздер: Ақмола облысы, ҚР ІІМ, Қоғам,
Бөлісіңіз:

Автор:

Аслан Оспанов

Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
MURAǴAT