Ақмолалық полицейлер 1400 жағдайы төмен отбасының үйінде болды

КӨКШЕТАУ. ҚазАқпарат - Ақмола облысының полицейлері жаңа оқу жылы қарсаңында жағдайы төмен отбасыларда тәрбиеленіп жатқан жасөспірімдермен кездесті.

«Отбасы-Мектеп-Жасөспірім» акциясы облыстық ІІД-нің барлық бөлімшелерінде бастау алды.

«Ювеналды полицияның мақсаты жағдайы төмен отбасылардағы тәрбиеленіп жатқан жасөпірімдердің жаңа оқу жылына қаншалықты дайын екенін анықтау болып табылады. Қазіргі кезде, облыстағы осындай 1400  отбасы тәртіп сақшыларының бақылауына алынған», деп хабарлады облыстық ІІД баспасөз қызметінен.

Еске сала кетейік, «Мектепке жол» акциясы Ақмола облысы аумағында тамыздың 1-нен басталып, 30 қыркүйекке дейін жалғасатын болады. Қазірдің өзінде облыс полицейлері биыл бірінші сыныпқа баратын 50 балаға көмек көрсеткен.