USD 434.24 EUR 492.69
RUB 5.67 CNY 68.46
Jańalyqtar

Ақмолада жас суретшілердің байқауы өтті

2018 жылғы 26 ақпан 22:52
Бөлісіңіз:
Ақмолада жас суретшілердің байқауы өтті

КӨКШЕТАУ. ҚазАқпарат - Ақмола облысында жас суретшілердің «Бояулар құпиясы» атты биеннале өтті, деп хабарлайды ҚазАқпарат тілшісі облыстық әкімдіктің баспасөз қызметіне сілтеме жасап.

Шараға өңірдегі 14 ауданнан және Астана, Степногорск, Көкшетау қалаларынан келген 10-18 жас аралығындағы 100 бала қатысты.

Қазақстан Республикасы Суретшілер және Еуразиялық дизайнерлер одағының мүшелерінен, жоғарғы оқу орындарының мұғалімдерінен құрылған кәсіби қазылар алқасы үш жас деңгейінде жіктелген топтардан жеңімпаздарды анықтады.

null

«Мақтанышым - менің Астанам» номинациясы бойынша көкшетаулық Шадияр Сегізбаева мен Анастасия Симоченко жеңіске жетті. Екінші орынды көкшетаулық Болат Рахат еншілесе, үшінші орынға Сандықтау ауданынан келген Дарья Мукопадова және қорғалжындық Нұрай Исманова ие болды.

«Рухани жаңғыру - жаңару жолы» номинациясы бойынша ең үздік болып зеренділік Эльмира Жексембина және көкшетаулық Айым Қосжан танылды. Осы номинацияда екінші және үшінші орынды Диана Сақиева, Кәмила Әбішева, Қайдар Нұрислам және Қамбар Сахидолла, Лолита Аушева қанжығаларына байлады.

null

Жеңімпаздар алғыс хаттармен, естелік сыйлықтармен марапатталды.

null

Біздің каналымызға жазылыңыз:

Бөлісіңіз:

Автор:

Аслан Оспанов

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT