+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Ақмолада соғыс ардагерлерінің құрметіне мемориалды тақта ашылды

2021 жылғы 9 мамыр 21:56
Бөлісіңіз:
Ақмолада соғыс ардагерлерінің құрметіне мемориалды тақта ашылды

КӨКШЕТАУ. ҚазАқпарат - Жеңіс күніне орай Сандықтау ауданында соғыс ардагерлерін еске алуға арналған мемориалды қабырға тақтасының ашылу салтанаты болып өтті, деп хабарлайды ҚазАқпарат ішкі саясат басқармасына сілтеме жасап.

Соғысқа қатысқандардың аты-жөні жазылған мемориалдық тақта аудан орталығы Балкашин ауылында орнатылды.

Нысанның ашылу салтанатына аудан әкімі Ербол Жүсіпбеков, соғыс ардагері Николай Сахновтың қызы Татьяна Егорова, Сандықтау ауданының ардагерлер кеңесінің төрағасы және құрметті азаматы Бақытжамал Сейітжанова, әскери қызметкерлер, қоғам өкілдері қатысты.

«Жеңіс күні - бүкіл ел үшін ең маңызды, толғандыратын және қастерлі мерекелердің бірі. Бұл сол қатыгез соғыста қаза тапқандардың бәрін еске алу. Біздің ауданнан майданға 10 мыңнан астам адам шақырылды, 4155 адам майдан даласында қаза тапты, 5935 адам үйіне оралды. Өкінішке қарай, ауданымыздағы соғыс ардагерлері қазір арамызда жоқ, олар біздің жадымызда және жүрегімізде мәңгі сақталады», - деп атап өтті құттықтау сөзінде аудан әкімі Ербол Жүсіпбеков.

Шараға қатысушылар монументке гүл шоғын қойып, соғыс ардагерлерін бір минут үнсіздікпен еске алды.

Айта кетейік, соғыс жылдары Ақмола облысынан майданға 90 мыңға жуық адам шақырылып, соғыстан 37 мыңнан астам адам ғана оралды.

Бүгінде өңірде 20 соғыс ардагері мен 3000-нан астам тыл еңбеккері тұрады. Оның ішінде Сандықтау ауданының сегіз тұрғынына Кеңес Одағының Батыры атағы берілген.

Бұл - Василий Бенберин, Василий Бовт, Андрей Бусалов, Иван Воронин, Николай Колбасов, Иван Терехин, Сергей Юдин және Алексей Чернов.


Біздің каналымызға жазылыңыз:

Бөлісіңіз:

Автор:

Аслан Оспанов

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT