Қолданушы баптаулары
Қолданушы баптаулары
+7 (701) 759 90 19 Лента
USD 384.87 EUR 432.52
RUB 6.11 CNY 55.95
Jańalyqtar

Ақмолада полипропилен қапшық өндіретін кәсіпорын ТМД нарығын бағындырмақ

2019 жылғы 12 маусым 13:34 564
Бөлісіңіз:
Ақмолада полипропилен қапшық өндіретін кәсіпорын ТМД нарығын бағындырмақ

КӨКШЕТАУ. ҚазАқпарат - Көкшетауда 2013 жылы Индустрияландыру картасы шеңберінде іске қосылған «Асыл арман» ЖШС (Новопэк) полипропилен қап (бір реттік қолданылатын шағын және Биг-Бег қаптары) шығару бойынша нарықта көш бастап тұр, деп хабарлайды ҚазАқпарат тілшісі Ақмола облыстық ішкі саясат басқармасына сілтеме жасап.

Бүгінгі күні компания Кедендік одақ талаптарына сай келетін, сапалы өнімдерді шығарып, Ресей, Тәжікстан, Өзбекстан елдеріне саудалайды. Алдағы уақытта ТМД нарығына шығу жоспарда бар.

Еуропа, Тайвань елдерінен әкелінген қазіргі заманғы жабдықтармен жарақталған кәсіпорында  ұн, қант, тұз, жарма, цемент, мыс концентраты, ферроерітінді сияқты өнімдер салуға қолданылатын полипропилен қаптар өндіріледі. Технология дүниежүзілік стандарттарға сай. Кәсіпорын басшысы Рүстем Усмановтың сөзінше, өндіріс орны 32 мың шаршы метр аумақты алып жатыр. Онда 600-ден астам адам еңбек етеді. Кәсіпорынның жылдық қуаты 10 миллионнан астам дана қап шығаруға жетеді.

«Келешекте биг-бег қаптарын шығаратын тағы 20 станок орнату жоспарланған. Бұл өндіріс қуатын 60 пайызға арттыруға мүмкіндік береді», - дейді Рүстем Усманов.

Кәсіпорын басшысы өндіріс орнында сұраныс жоғары жеңіл қаптарды шығару бойынша жоба әзірленіп жатқанын атап өтті. 2019 жылдың мамырында жылдық қуаты 1,7 миллион дана дайын өнім шығаратын «Көкше Sity» жаңа өндіріс орны іске қосылып, 95 жаңа жұмыс орны ашылды.

 

 

Біздің каналымызға жазылыңыз:

Бөлісіңіз:

Автор:

Аслан Оспанов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT