+7 (701) 759 90 19
USD 424.92 EUR 500.09
RUB 5.87 CNY 65.92
Jańalyqtar

Ақмолада мотоцикл тізгіндеген 48 жастағы жүргізуші мерт болды

2021 жылғы 23 шілде 23:56
Бөлісіңіз:
Ақмолада мотоцикл тізгіндеген 48 жастағы жүргізуші мерт болды

КӨКШЕТАУ. ҚазАқпарат - Ақмола облысының Бурабай ауданында «Ақылбай-Қызылағаш» автожолының 11-шақырымында Көкшетау қаласының 48 жастағы тұрғыны жол апатынан қаза тапты, деп хабарлайды ҚазАқпарат.

Ұқсас жаңалықтар
Таразда жеңіл көлік жүргізуші төрт адамды қағып кетті, екеуі көз жұмды Алматы облысында көлік қағып көз жұмған жаяу жүргіншінің аты-жөні анықталмай жатыр Павлодар облысында екі жол апатынан 3 адам қаза тапты

Облыстық полиция департаменті баспасөз қызметінің мәліметінше, оқиға Қызылағаш ауылының маңында болған.

«Рейсер» мотоциклін тізгіндеген тұрғын рөлге ие бола алмай, қатты жылдамдықпен жолдың шетіне ұшып кеткен.

Сол жерде мотоцикл аударылып, 48 жастағы жүргізуші оқиға орнында мерт болды.

Қазіргі уақытта аталған факті бойынша сот-медициналық сараптама тағайындалған. ҚР ҚК 345-бабының 3-бөлігі бойынша сотқа дейінгі тергеу жүріп жатыр.

Тәртіп сақшылары мотоциклистерге арнайы қорғаныс құралдарын қолдану, өте мұқият болу, белгіленген жылдамдық режимін, жол жүру кезектілігін сақтау және жолда күрт маневр жасаудан аулақ болу қажеттігін ескертеді.

Ақмола полицейлері мотокөлік ұшырайтын жол апатының негізгі себептерін айтты.

Олар - жылдамдық режимінің артуы, мотоциклшіні кенеттен тежеуге итермелейтін автомобильшілердің күтпеген маневрлері, сондай-ақ мотоциклистің көлікті қауіпті жүргізуі.

Сонымен қатар, қолайсыз ауа райы да - апатқа әкелетін фактор.



Біздің каналымызға жазылыңыз:

Бөлісіңіз:

Автор:

Жанат Қапалбаева

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT