+7 (701) 759 90 19
USD 388.96 EUR 432.21
RUB 6.09 CNY 54.99
Jańalyqtar

Ақмолада бұлшық етін өсіру үшін дәрі ішкен 4 бозбала ес-түссіз жатыр

2019 жылғы 25 мамыр 19:16
Бөлісіңіз:
Ақмолада бұлшық етін өсіру үшін дәрі ішкен 4 бозбала ес-түссіз жатыр

КӨКШЕТАУ. ҚазАқпарат - Ақмола облысында төрт жасөспірім дәріден уланып қалды, деп хабарлайды ҚазАқпарат.

Ақмола облысы денсаулық сақтау басқармасының хабарлауынша, бүгін Ерейментау аудандық ауруханасына сағат 15:00-ден бастап араға екі сағаттан салып 4 жасөспірім келіп түскен. Уланғандардың жасы 13-15 жас аралығында.

«Барлық науқастар Олжабай батыр ауылында тұрады. Келіп түскен кезде балалардың жағдайы ауыр болатын. Ағзаның улануы, қалшылдау және неврологиялық симптомдар байқалды. Ақыл-есінің жағдайы - сопор-кома», - дейді денсаулық сақтау басқармасының мамандары.

Жағдайды зерделеу барысында әр баланың кеше кештен бастап «Финлепсин» дәрісінің 15 таблеткасын жұтқаны белгілі болды. Олар мұны бұлшық етін өсіру үшін ішкен.

«Дәрілік препарат «эпилепсия» сырқатымен есепте тұратын бір балада болған. Қазіргі таңда төртеуі де анестезиология, жансақтау және интенсивті терапия бөлімінде ем алып жатыр», - деп мәлім етті ведомстводағылар.

Қазіргі таңда республикалық санавиациядан - токсиколог маман, ал облыстық көпсалалы ауруханадан - реаниматолог Ерейментау ауданына жолданды.

Басқарма мамандарының сөзінше, науқастардың біреуі есін жиған. Жасөспірімдердің бұдан әрі қарайғы жағдайы туралы қосымша хабарланады.

Біздің каналымызға жазылыңыз:

Басты сөздер: Ақмола облысы, Оқиға,
Бөлісіңіз:

Автор:

Жанат Қапалбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT