Ақмола облысының Есіл қаласында 200 орындық балабақша пайдалануға берілді (ФОТО)
2015 жылғы 13 қараша 11:30

Ақмола облысының Есіл қаласында 200 орындық балабақша пайдалануға берілді (ФОТО)

КӨКШЕТАУ. ҚазАқпарат - Ақмола облысының Есіл қаласында «Балапан» бағдарламасы арқылы 200 орындық балабақша пайдалануға берілді. Бұл туралы аудан әкімінің баспасөз қызметінен хабарлады.«Балбөбек» аталатын балабақшаны ашу салтанатына аудан әкімі Аманбек Қалжанов қатысып, тәрбиешілер мен бүлдіршіндердің ата-аналарын құттықтады.

Аталған балабақша 200 бүлдіршінге арналған. Құрылыс жұмыстары республикалық «Балапан» бағдарламасы арқылы бөлінген 14 миллион теңгеден астам қаржыға салынған. Нысанның пайдалануға берілуі 48 адамды тұрақты жұмыспен қамтып отыр.
Еске сала кетсек, бүгінгі күні Есіл ауданында 29 мектепке дейінгі ұйым жұмыс істейді. Оның 6-ы балабақша, 23-і шағын орталық. «Балбөбек» балабақшасының пайдалануға берілуі ауданда 3 жастан 6 жасқа дейінгі балаларды білім беру мекемелерімен 100 пайыз қамтуға мүмкіндік беріп отыр.

null null null null

Jańalyqtar

Үрдіс

MURAǴAT