Ақмола облысының Ақкөл қаласындағы теміржол вокзалында жарылғыш зат қойылғаны жөнінде ақпарат түсті

АҚМОЛА ОБЛЫСЫ. ҚазАқпарат - Кеше кешкісін Астана қаласының 112 нөміріне Ақмола облысының Ақкөл қаласындағы теміржол вокзалында жарылғыш зат қойылғаны жөнінде жалған ақпарат түсті, деп хабарлады аймақтық ТЖД баспасөз қызметінен.

ТЖД қызметкерлерінің мәліметі бойынша, жалған ақпарат наурыздың 23-і кешкі сағат 17:28 де түскен. Белгісіз біреулер Астана қаласының 112 нөміріне Ақмола облысының Ақкөл қаласындағы теміржол вокзалында жарылғыш зат қойылғаны жөнінде телефон арқылы жасырын хабарлаған.

Нәтижесінде, вокзал ішінде болған 33 адам сыртқа шығарылды. Вокзал ішін арнайы тексеріс барысында ақпарат расталмады.

Қазір құқық қорғау органдарымен жалған ақпарат тартқан адам анықталу үстінде.