+7 (701) 759 90 19
USD 376.84 EUR 407.97
RUB 5.91 CNY 53.80
Jańalyqtar

Ақмола облысындағы түйнеме топырақтан шыққан - министр

2019 жылғы 20 тамыз 11:23
Бөлісіңіз:
Ақмола облысындағы түйнеме топырақтан шыққан - министр

НҰР-СҰЛТАН. ҚазАқпарат - ҚР Ауыл шаруашылығы министрі Сапархан Омаров Ақмола облысы Аршалы ауданына қарасты Ольгинка ауылындағы түйнеменің қайдан шыққанын түсіндірді, деп хабарлайды ҚазАқпарат тілшісі.

«Нақты айтарым, Ольгинка ауылында биылғы сәуір айында түйнемеге қарсы вакцинация толығымен өткізілген. Мал иелерінің вакциналау жөнінде құжаттары бар. Түйнеме малдан емес, топырақтан жұққан. 1948 жылы түйнеме бойынша осы жерде эпидемия болған, соның қалдықтары болуы мүмкін», - деп түсіндірді Сапархан Омаров Үкімет үйінде өткен баспасөз мәслихатында.

Оның айтуынша, мал 13-14 тамыз күндері сойылған. Оған тексеру жүргізілген соң, 17 тамызда ғана карантин енгізілген.

«Сойылған ет ешқайда шығарылмаған, оны тұрғындар өзара бөлісіп алған. Қалған ет сол күні өртелді. Қазіргі уақытта 5 адам ауруханада жатыр, олардың жағдайы жақсы, ем алып жатыр», - деді министр.

Сонымен бірге, С. Омаров «Ольгинканың өнімдері елордаға жеткізіле ме?» деген сұраққа жауап берді.

«Карантин біткенше Ольгинкадан ешкім шықпайды. Еш тауар да жіберілмейді. Алдағы 15 күнде емдеу жұмыстарын жүргіземіз. Содан кейін ғана ауыл ашылады. Сондықтан, Нұр-Сұлтан тұрғындарына қауіптенуге себеп жоқ», - деді С. Омаров.

Еске салайық, 16 тамызда Ақмола облысының Аршалы ауданына қарасты Ольгинка ауылында түйнемеге қатысты карантин жарияланды. 5 тұрғын ауруханаға жатқызылып, қазір сынамалар зерттеліп жатыр. Ауруханада жатқандардың жағдайы тұрақты. Ольгинка ауылында үй жануарлары арасында індет белгісі анықталған жоқ.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT