Ақмола облысында жолда қалған 200 адам құтқарылды
Ағымдағы жылдың 26 наурызында түнгі сағат 00:05 шамасында Бурабай ауданының Щучинск қаласы маңында, яғни «Астана-Петропавл» тас жолының 18-23 шақырымында ТЖД жеке құрамының 3 қызметкері мен 1 арнайы техникасының көмегімен жолда қалған 10 жеңіл көлікте болған 16 адам (1-уі бала) құтқарылды. Жолаушылардың барлығы Щучинск қаласындағы жалпы типтегі мектеп интернатына орналастырлды.
Сағат 00:10-00:20 шамасында Атбасар ауданы аумағында «Екатеринбург-Алматы» тасжолының 856-1247 шақырымында «Астана-Рудный бағытында қатынайтын «Citroen» мен «Foton» жолаушылар автобустарында болған 63 адам ( 5-балалар) қауіпсіз жерге жеткізілді.
01:30 Есіл ауданы аймағында «Жақсы-Есіл-Бұзылық» тасжолының 0-82 шақырымында «Қостанай-Астана» бағытында қатынайтын «Kia» және «Foton» автобустары істен шығып, көлікте отырған 98 жолаушы ( 3-уі бала) құтқарылды. Жолаушылардың барлығы Есіл қаласындағы № 7 кәсіптік лицейге жеткізілді.
Ал, осы күні түнгі сағат 01-50 шамасында Ерейментау ауданы арқылы өтетін «Астана-Ерейментау-Шідерті» жолының 16-205 шақырымында 4 жеңіл көлікте болған 10 адам құтқарылды. Құтқару жұмыстарына ТЖД жеке құрамының 2 қызметкері мен 1 арнайы техникасы жұмылдырылды.