Ақмола облысында жаяу адамды қағып кетіп, ізін суытқан жүргізуші қолға түсті

None
None
КӨКШЕТАУ. ҚазАқпарат - Ақмола облысында жаяуды соғып, ізін суытқан көлік жүргізушісі қолға түсті.

Бұл туралы облыстық ІІД баспасөз қызметінен хабарлады.

Полицейлердің мәліметі бойынша, қайғылы жағдай «Көкшетау-Астана» тас жолының бойында Шортанды кентінің маңында орын алған. Қатты жылдамдықпен келе жатқан «Рено» жеңіл көлігінің жүргізушісі жаяуды қағып кеткен. Артынша, зардап шегушіге көмек көрсетудің орнына, ол оқиға орнынан ізін суытып үлгерген.

Жедел іздестіру шарасы барысында Ақкөл қаласының тұрғыны қолға түсіп, оның үстінен ҚР ҚК 345-бабының 1-бөлімі «жол қозғалысы ережесін бұзу» бойынша қылмыстық іс қозғалды. Ал зардап шегуші болса, медициналық көмек көрсету үшін аудандық ауруханаға жеткізілді.

Соңғы жаңалықтар