Қолданушы баптаулары
Қолданушы баптаулары
+7 (701) 759 90 19 Лента
USD 356.54 EUR 419.43
RUB 5.42 CNY 51.86
Жаңалықтар

Ақмола облысында жаңа кірпіш зауыты іске қосылды

2018 жылғы 13 шілде 22:29 726
Бөлісіңіз:
Ақмола облысында жаңа кірпіш зауыты іске қосылды

КӨКШЕТАУ. ҚазАқпарат - Ақмола облысының Целиноград ауданында жаңа кірпіш зауыты іске қосылды, деп хабарлайды ҚазАқпарат тілшісі ішкі саясат басқармасына сілтеме жасап.

Ұқсас жаңалықтар
«Қамқор Локомотив» ЖШС: Жыл басынан бері 4,8 млрд теңгенің өнімі өндірілді Ақтауда химиялық зауыт салынады

Мемлекет басшысы Н.Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына арнаған Жолдауын жүзеге асыру шеңберінде Ақмола облысының индустриалды картасында пайда болған керамикалық кірпіш және ірі пішінді керамикалық блоктар шығаратын жаңа зауыт бұл жолы Қабанбай батыр ауылында ашылып отыр.

«Автоматтандырылған және жаңа технологияны қолдана отырып, бәскелестікке сай өнім шығаратын жаңа зауытты «Astana Ceramics» ЖШС-гі мемлекеттің қолдауы және қарызға алған қаржының көмегімен салған. Ол үшін «Бизнестің жол картасы-2020» бағдарламасы арқылы 2,5 миллиард теңге көлемінде несие бөлінді. Жобаның жалпы құны 3,8 миллард теңгені құрады», - деп түсіндірді ішкі саясат басқармасындағылар.

Ақмола облысында жаңа кірпіш зауыты іске қосылды

Қазіргі замаңғы технологиялармен жабдықталған кәсіпорында жылына 3 миллион дана өнім шығаруға болады. Оған қоса, зауытта 50 жаңа жұмыс орны ашылып отыр.

Зауыттың ашылуы рәсіміне Қазақстан Республикасындағы Испанияның Төтенше және өкілетті елшісі Педро Хосе Санс Серрано, «Beralmar Techologic S.A.» және «Talleres Felipe Verdes S.A» (Испания), сондай-ақ, «Харьковский машиностроительный завод «ПЛИНФА» ЧАО (Украина) компанияларының өкілдері қатысты.

«Құрылыс материалдары «Made in KZ» сауда белгісімен шығарылады. Сондықтан, облыста ғана емес, республика аумағында да жоғары сұранысқа ие болмақ», деп толықтырды ведомство.


Ақмола облысында жаңа кірпіш зауыты іске қосылды

 


Бөлісіңіз:

Автор:

Аслан Оспанов

Загрузка...
Сондай-ақ... оқыңыз
Загрузка...
Онлайн қызметкерлер
Редактор
Жанибек Амангелди
Жанибек Амангелди
954-059
Редактор
Кожакелдиев Е.
Кожакелдиев Е.
954-059