+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Ақмола облысында үздік отбасылық қарым-қатынас клубы анықталды

2021 жылғы 23 қыркүйек 23:32
Бөлісіңіз:
Ақмола облысында үздік отбасылық қарым-қатынас клубы анықталды

КӨКШЕТАУ. ҚазАқпарат - Облыстық оқу-әдістемелік кабинетінің жоспарына сәйкес және «Рухани жаңғыру» бағдарламасын іске асыру аясында ағымдағы жылдың 22 қыркүйегінде Ақмола облысының білім беру мекемелері арасында «Отбасылық қарым-қатынас клубының үздік ұйымы» облыстық сырттай байқауы өтті, деп хабарлайды ҚазАқпарат тілшісі Ақмола облыстық білім басқармасының баспасөз қызметіне сілтеме жасап.

Ұқсас жаңалықтар
Атырауда жеке тұрғын үйлердің ауласында сарышаян қаптады Елордалық көлігін тұраққа қою үшін қанша уақытын жұмсайды Ономастика: Ақмола облысында 30-дан астам елді мекеннің атауы өзгертілген

Байқауға 17 аудандық (қалалық) білім бөлімдерінен аудандық кезеңнің жеңімпаздары қатысты. Байқау отбасылық клуб қызметінің презентациясы бар портфолио; отбасылық құндылықтар, шығармашылық конкурстар мен көрмелер туралы бейнеролик тәрізді екі турдан тұрды.

«Отбасы - баланың дамуы мен қалыптасуындағы маңызды буын. Облыстың білім беру ұйымдарында тәрбие жұмысы отбасының, білім беру ұйымдарының, қоғамның кең түрде қатысуымен кешенді түрде жүргізіледі. «Отбасы – мектеп» тәрбие жобасында жалпыұлттық құндылықтарды іске асыру отбасы мен мектептің сындарлы ынтымақтастығы мен өзара қарым-қатынасына бағытталған», - деді ведомстводан.

Байқау қорытындысы бойынша 1 орынды Жақсы ауданындағы А.Әбдірахманов атындағы орта мектебінің «Нұршуақ» отбасылық қарым-қатынас клубы иеленсе, 2 орындарға Ерейментау ауданындағы Еркіншілік орта мектебінің «Күншуақ» және Көкшетау қаласындағы №6 мектеп-лицейінің «Радость общения» отбасылық қарым-қатынас клубтары лайық деп танылды.

Ал жүлделі 3-ші орынға Атбасар ауданындағы Шу орта мектебінің «Ұрпақ», Аршалы ауданындағы Ж. Тәшенов атындағы орта мектебінің «Мерейлі отбасы» және Сандықтау ауданындағы Приозерное орта мектебінің «Біз біргеміз» отбасылық қарым-қатынас клубтары ие болды.


Біздің каналымызға жазылыңыз:

Бөлісіңіз:

Автор:

Аслан Оспанов

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059

MURAǴAT