Ақмола облысында үй өртеніп, оқиға орнынан ерлі-зайыптылардың мәйіті табылды
Ведомствоның мәліметінше, өрт мамырдың 14-де Грантиная көшесі 3 мекенжайы бойынша орналасқан тұрғын үйде болған. Бұл туралы Щучье қаласындағы өрт сөндіру қызметінің кезекшілік бөліміне сол күні таңғы сағат 07:08 ақпарат түскен.
«Тілсіз жауды ауыздықтауға ТЖД жеке құрамынан 11 адам және 2 арнайы өрт сөндіру техникасы жұмылдырылды. Оқиға орнынан 1967 жылғы үй иесі мен оның 1979 жылғы әйелінің денесі табылды», - деп түсіндірді Ақмола облыстық ТЖД баспасөз хатшысы Динара Есенбаева.
Ведомстводан атап өткендей, көз жұмған ерлі – зайыптылардың қызының айтуынша, өрт болардың алдында ата-анасы үйінде ішімдік ішіп, темекі тартқан. Қазіргі кезде олардың денесі сот-медицианлық сараптама үшін мәйітханаға жіберілді. Өрттің нақтылы шығу себептері анықталу үстінде.