+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Ақмола облысында түрлі этнос өкілдері арасында мемлекеттік тілді үздік меңгергендер анықталды

2021 жылғы 15 қыркүйек 15:00
Бөлісіңіз:
Ақмола облысында түрлі этнос өкілдері арасында мемлекеттік тілді үздік меңгергендер анықталды

КӨКШЕТАУ. ҚазАқпарат - Қазақстан халқы тілдерінің онкүндігі аясында Ақмола облысында Тәуелсіздіктің 30 жылдығына арналған мемлекеттік тілді меңгерген түрлі этнос өкілдері арасында «Мемлекеттік тіл – Тәуелсіздік символы» атты онлайн-байқау өтті, деп хабарлайды ҚазАқпарат облыстық ішкі саясат басқармасына сілтеме жасап.

Ұқсас жаңалықтар
Ақмола облысында Қажымұқан Мұңайтпасовтың 150 жылдығына арналған конференция өтті Ақмола облысында «Мерейлі отбасы» байқауының жеңімпаздары марапатталды Полиция департаментінің бастығы жас отбасыларды құттықтады - Ақмола облысы

Іс-шараға облыстың аудандары мен қалаларынан түрлі қызмет саласындағы 14 үміткер қатысты.

Байқау мемлекеттік тілдің қолданыс аясын кеңейту, қазақ тілінің этносаралық қарым-қатынас тілі ретіндегі қызметін нығайту, мемлекеттік тілді меңгерген түрлі этнос өкілдерін ынталандыру мақсатында өткізілді.

Ұйымдастырушылардың атап өтуінше, байқаудың бірінші кезеңінде қатысушылар қысқа метражды бейнероликтер ұсынды, онда олар қазақ тілін үйренудегі мүдде мен жетістіктер туралы айтып берді, белгілі қазақ ақындары мен жазушыларының шығармаларынан үзінділер оқыды. Екінші кезеңде қатысушылар «Тіл мен Тәуелсіздік егіз ұғым» тақырыбында ой толғады.

Байқау қорытындысы бойынша бірінші орынға Целиноград ауданы Арайлы ауылы орта мектебінің қазақ тілі мен әдебиеті пәнінің мұғалімі Анастасия Ирубаева ие болды. Екінші орынды Көкшетау қаласының «Zerek» балабақшасының тәрбиешісі Анастасия Кравченко, үшінші орынды Есіл ауданы Ы.Алтынсарин атындағы Игілік негізгі орта мектебінің педагог - психологы Радмила Бигужанова иеленді.

«Өз басым мемлекеттік тілді меңгеру әр бір азаматтың парызы және міндеті деп білемін. Қазақ тілін меңгеріп қана қоймай қазақ тілінде балаларға білім беру мен үшін үлкен бақыт», - деп Анастасия Ирубаева өз ойымен бөлісті.

Байқаудың жеңімпаздары мен қатысушылары дипломдар, алғыс хаттар және бағалы сыйлықтармен марапатталады.

Айта кетейік, байқаудың аймақтық кезеңінің жеңімпазы қараша айында өтетін республикалық байқауда Ақмола облысының намысын қорғайтын болады.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT