Ақмола облысында тұмауға қарсы 73138 вакцина сатып алынды
Департамент басшысының сөзінше, тұмауға қарсы екпе алу үшін тұрғындар тұрғылықты жері бойынша тіркелген емханаға баруы тиіс.
«Қазіргі уақытта облыста «Гриппол Плюс» вакцинасының 73138 мөлшері (9,9 пайыз) сатып алынды, ол 9 қыркүйекте жеткізіледі. Облыста «Гриппол Плюс» вакцинасы 5 жылдан астам уақыт қолданылып келеді. Екпеден кейінгі асқынулар тіркелген жоқ. Бұл препарат биылғы эпидемологиялық маусымда байқалады деп болжанып отырған тұмаудың А және В түрлеріне қарсы егіледі», - деді ол.
Айнагүл Мусина атап өткендей, жыл басынан республикада ЖРВИ және тұмаумен сырқаттану артқаны байқалады. Іріктемелі бақылау нәтижелері бойынша А типті тұмаудың 500-ден астам жағдайы зертханалық түрде расталды.
«2021-2022 жылдары эпидемиологиялық маусымда облыста ЖРВИ-дің 67 923 жағдайы тіркелді, 100 мың тұрғынға шаққанда сырқаттанушылық көрсеткіші – 9 123,07. Ал 14 жасқа дейінгі балалар арасында – 24 881 (36,63%), бір жасқа дейінгі балалар арасында – 2 792 (4,11%), жүкті әйелдер арасында – 1 351 жағдай (1,99%) тіркелген. Облыста тұмаудың 3 жағдайы тіркелген (Шортанды – 2, Зеренді – 1). Осы ретте, тұмауға қарсы екпе инфекциядан қорғаудың бірден бір жолы», – деп толықтырды ведомстводан.