Ақмола облысында салық бойынша қарызы көп 100 адамның тізімі жарияланды

КӨКШЕТАУ. ҚазАқпарат - Ақмола облысы бойынша Мемлекеттік кірістер департаменті жеке тұлғалар арасында салық бойынша қарызы көп 100 борышкердің тізімін жариялады. Бұл туралы ҚазАқпарат тілшісі ведомствоның баспасөз қызметіне сілетеме жасап хабарлайды.

Ұқсас жаңалықтар

Әлихан Смайылов салық саласындағы маңызды талаптарды атады

Алматыда элиталық үй мен пәтер иелері бюджетке 247 млн теңге қарыз Салық рақымшылығы: 4 млн теңге айыппұл есептен шығарылды Елімізде жер мен мүлік салығы біріктіріледі

Өңірдегі 100 азамат мемлекетке жалпы 45 миллион 590 мың теңге қарыз. Осы сомадан негізгі борыш 30 миллион 567 мың теңге, ал 15 миллионы өсімпұл.

«Ең көп қарыз бар Бурабай ауданының тұрғыны Виктор Богданец екені белгілі болды. Ол мемлекетке 2 миллион 955 мың теңге көлік құралдарына салынатын салық бойынша (КБК 104402) қарыз. Өсімпұл 2 миллион 16 мың теңге сомасын құрады. Нәтижесінде осы азаматтың жалпы қарызы 4 миллион 971 мың теңге»,- дейді ведомствоның баспасөз қызметіндегілер.

Көптеген жағдайларда көлік үшін салықты төлемеген кезде өсімпұл көлемі негізгі борышынан асып кетеді.

«Мысалы облыс тұрғыны Наталья Чженның салыққа 610 мың теңге жалпы қарызы бар, оның ішінде 275 мың теңге негізгі борышы, 335 мың теңгесі өсімпұл»,- деп толықтырды департамент мамандары.

Борышкерлердің толық тізімімен мына сілтеме бойынша танысуға болады.

Мемлекеттік кірістер департаменті Қазақстанда жыл соңына дейін cалықтық рақымшылық жалғасып жатқанын еске салады. Негізгі қарызды төлеген кезде пайыз сомасы жеке және заңды тұлғалардан алынады.

Қазақстандықтар салықтық берешегінің бар-жоғы екендігі туралы мәліметтерді мына жерден біле алады.