+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Ақмола облысында ресейлік әйел құтқарушылар көлігінде босанды

2020 жылғы 27 қаңтар 18:54
Бөлісіңіз:
Ақмола облысында ресейлік әйел құтқарушылар көлігінде босанды

КӨКШЕТАУ. ҚазАқпарат – Ақмола облысында Ресей Федерациясының азаматшасы құтқарушылар көлігінде босанды. Елең еткізер жағдай Астрахан ауданы аумағында «Алматы-Екатеринбург» тасжолының бойында болған, деп хабарлайды ҚазАқпарат тілшісі облыстық ТЖД баспасөз қызметіне сілтеме жасап.

«Қаңтардың 26-да сағат 18:20 шамасында жедел жәрдем көлігінің қарға батып қалғаны туралы ақпарат түсті. Көлікте жүкті келіншек болды. Жедел жәрдем көлігі Петровка ауылына барып, кейін Астрахан ауылына қайтып келе жатқан. Жолда екі фура батып қалғандықтан жедел жәрдем көлігі тоқтауға мәжбүр болды. Ол аздай ақтүтек бораннан жол көрінбеді», - деді №19 өрт сөндіру бөлімі бастығының орынбасары Ербол Смайылов.

ТЖД баспасөз қызметінің мәліметінше, оқиға орнына дереу №19 өрт сөндіру бөлімінің кезекшілері аттанып, 23 жастағы жүкті келіншекті эвакуациялады. Алайда, Астрахан аудандық перзентханасына жетпей, аяғы ауыр әйелді өрт сөндіру көлігінің ішінде фельшер босандырып алды. Қазіргі кезде нәресте мен анасының жағдайы жақсы. Олар Астрахан аудандық перзентханасында.

Белгілі болғандай, экстремалды жағдайда босанған келіншек Ресей азаматшасы және жаңа туған нәресте - оның тұңғышы.

«Бұл - соңғы бес күнде ТЖД қызметкерлері құтқарып отырған төртінші жүкті әйел. Дәл қазір құтқарушылар мен медиктер арнайы техниканың көмегімен Бурабай ауданындағы ауылдан толғағы жетіп отырған тағы бір әйелді құтқаруда», - деп толықтырды ведомстводан.



Біздің каналымызға жазылыңыз:

Бөлісіңіз:

Автор:

Аслан Оспанов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT