16:55, 01 Маусым 2021 | GMT +6
Ақмола облысында өзен жағасынан екі әйелдің мәйіті табылды
КӨКШЕТАУ. ҚазАқпарат – Ақмола облысындағы Шағалалы өзенінің жағасында екі әйелдің денесі табылды, деп хабарлайды ҚазАқпарат тілшісі.
Облыстық ПД баспасөз қызметінің мәліметінше, 29 мамырда тұрғындардың бірі 2 әйелдің теміржол саяжайы аумағындағы Шағалалы өзеніне қарай кетіп, қайтып келмегені туралы кезекші бөлімге хабарлаған.
«Тәртіп сақшылары саяжайлардан шығыс бағытта 10-15 метр қашықтықтан 39 және 42 жастағы әйелдің денелерін тапты. Жедел тергеу шаралары барысында сот – медициналық топ олардың денесінде күш қолданудың белгілерін байқамады. Қазіргі кезде, мәйіттер Ақмола облысы бойынша соттық медицина инстутына жіберілді», – деді ведомстводан.