+7 (701) 759 90 19
USD 410.70 EUR 465.28
RUB 5.80 CNY 58.81
Jańalyqtar

Ақмола облысында оқу жылын 128 мың оқушы бітірді

2020 жылғы 25 мамыр 18:46
Бөлісіңіз:
Ақмола облысында оқу жылын 128 мың оқушы бітірді

КӨКШЕТАУ. ҚазАқпарат - Ақмола облысында оқу жылын 128 мың оқушы бітірді. Соңғы қоңырау шарасы онлайн режимде өтті, деп хабарлайды ҚазАқпарат тілшісі.

Ұқсас жаңалықтар
Назарбаев университетінде білімімді жалғастырмақшымын – Шынар Марс Уханьдағы мектептерде оқу қайта жанданады Шекара жабылуына байланысты шетелде қалған «болашақтықтарға» 66,4 млн теңге шәкіртақы төленді

Өңірде оқу жылын аяқтаған оқушыларға аймақ басшысы Ермек Маржықпаев әлеуметтік желідегі парақшасы арқылы құттықтау тілегін білдірді.

«Баршаңызды кезекті оқу жылының сәтті аяқталуымен құттықтаймын! Бүгін сіздер тағы бір белесті бағындырып, жаңа кезеңге аяқ бастыңыздар. Осы қуанышты сіздермен бөліскім келіп отыр.

Тағы бір оқу жылы артта қалды. Бүгін бүкіл республика бойынша барлық мектептерде онлайн форматта соңғы қоңырау өткізіліп жатыр. Білім алудағы жұмсаған күш-қуат, атқарған еңбектеріңіз сіздерге лайықты жемісін береді деген сенімдемін», - дей келе, Ермек Маржықпаев бүкіл дүниежүзіне тарап отырған пандемияның еліміздің білім жүйесі үшін қиындықтар туғызып отырғандығын атап өтті.

«Осындай қиын жағдайда соңғы оқу тоқсаны мектептерде ерекше форматта өтті. Жұмыс ауқымы педагогтар мен оқушылар үшін ғана емес, ата-аналарға да көбейді. Сіздер өзара қарым-қатынастың жаңаша сапасын жолға қойып, білім беру мен білім алудың жаңаша әдістемелерін игеріп, заманауи технологияларды қолдану арқылы оқытудың дағдыларын меңгере алдыңыздар деп сенемін!»,- деп толықтырды Ермек Маржықпаев.

Аймақ басшысы атап өткендей, бүгінгі күні облыста оқу жылын 128 мың оқушы бітіріп жатыр.

Еске сала кетейік, осыған дейін хабарлағанымыздай, биыл Ақмола облысында 4515 оқушы мектеп бітіретін болса, оның 297-і - Алтын белгі иегері, 187-і - білім ордасын үздік аттестатпен аяқтағалы отыр. Мектеп бітіруші 4515 түлектің 3718-і немесе мектеп бітірушілердің 82,3 пайызы ҰБТ тапсыруға өтініш берген болатын. Ал, облыстағы мектеп бітіруші түлектердің соңғы қоңырау салтанатын аттестат тапсыру рәсімімен бірге 3-4 маусым аралығында өткізу жоспарланған.


Біздің каналымызға жазылыңыз:

Бөлісіңіз:

Автор:

Аслан Оспанов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT