Ақмола облысында лауазымды тұлғалар 700 млн теңге жымқырды деген күдікке ілінді

КӨКШЕТАУ. ҚазАқпарат –Ақмола облысында қосалқы станция салу кезінде бюджет қаражатын жымқыру фактісі анықталды, деп хабарлайды ҚазАқпарат ҚР ҚМ Қаржы мониторингі комитетіне сілтеме жасап.

«ҚР ҚМ Қаржы мониторингі комитетінің Ақмола облысы бойынша Экономикалық тергеу департаменті қызметкерлері қосалқы станция салу кезінде 700 млн теңге сомасындағы бюджет қаражатын жымқыру фактісі бойынша сотқа дейінгі тергеу ісі шеңберінде Ақмола облысының аудандық әкімдік бөлімінің басшылары басқарған бір топ тұлғаны ұстады, делінген аталмыш комитет хабарламасында.

Қазіргі таңда тергеу амалдары жүргізілуде.