Қолданушы баптаулары
Қолданушы баптаулары
+7 (701) 759 90 19 Лента
USD 360.71 EUR 411.53
RUB 5.38 CNY 52.62
Жаңалықтар

Ақмола облысында қайтыс болған қарттың өліміне қатысты тексеру жүргізілуде

2018 жылғы 13 қаңтар 15:07 1364
Бөлісіңіз:
Ақмола облысында қайтыс болған қарттың өліміне қатысты тексеру жүргізілуде

КӨКШЕТАУ. ҚазАқпарат-Ақмола облысының Целиноград ауданында жасы 61-дегі ер адамның мүрдесіне қатысы тексеріс жүргізілуде, деп хабарлайды ҚазАқпарат тілшісі.

ІІД баспасөз қызметінің мәліметі бойынша, 2018 жылдың 11 қаңтарында Целиноград ауданының ІІБ кезекшілік бөліміне Р.Қошқарбаев ауылынан 500 метр қашықтықта жергілікті 1957 жылы туған ер адамның мүрдесі жатқаны туралы ақпарат түскен.

Кейін белгілі болғандай ер адамның РЭС-те электрик болып жұмыс істегені анықталды. Ол 2018 жылдың 11 қаңтарында таңғы сағат 08:00-дер шамасында үйінен шығып қайтып оралмаған. Арада бірер сағат өткен соң, оның жансыз денесі табылды.

Тексеру кезінде оның денесінде күш қолданудың белгілері байқалмады. Есесіне 2013 жəне 2015 жылдары екі рет инсульт алғаны, 3 топтағы мүгедек екені анықталды. Сот-медициналық сараптаманың қорытындысы бойынша ер адамның суықта үсіп қалғаны анықталды.

Туыстарының арызы бойынша ер адамды қатты боран болып тұрғанда жұмысқа шақырған көрінеді. Қазіргі кезде, полицейлер осыған байланысты тексеріс жүргізуде.

 

 


Басты сөздер: Ақмола облысы, Оқиға,
Бөлісіңіз:

Автор:

Аслан Оспанов

Онлайн қызметкерлер
Редактор
Жанибек Амангелди
Жанибек Амангелди
954-059
Мұрағат