Ақмола облысында карантиндік шектеулер туралы жаңа қаулы шықты

КӨКШЕТАУ. ҚазАқпарат - Ақмола облысында өңірдің бас мемлекеттік санитарлық дәрігерінің №8 жаңа қаулысы шықты, мұнда №3 қаулыға аздаған өзгерістер енгізілген, деп хабарлайды ҚазАқпарат тілшісі.

Ұқсас жаңалықтар

Өткен тәулікте 893 адам коронавирус инфекциясынан жазылып шықты

Қазақстанда өткен тәулікте 658 адамнан коронавирус анықталды Чехия билігі жұмыс берушілерді өз қызметкерлерін коронавирусқа тестілеуді міндеттеді Атырауда 14 адам коронавирус жұқтырып, 13 науқас емделіп шыққан

Жаңа қаулымен Ақмола облысындағы ХҚКО-лардың (соның ішінде мамандандырылған ХҚКО-лардың, 1414 call-орталығының және виртуалды ассистенттердің) жұмысы реттеледі. Енді жұмыс күндері олар 09:00-ден 18:00-ге дейін жұмыс істейді, ал сенбі және жексенбі күндері жұмысын тоқтатады.

Бұл ретте азаматтарды қабылдау электрондық үкімет порталы немесе call-орталық арқылы кезекті алдын ала брондау арқылы жүзеге асырылады.

Қаулы сондай-ақ, Ақмола облысының қалалары мен аудандарының бас мемлекеттік санитарлық дәрігерлеріне қалыптасқан эпидемиологиялық жағдайға байланысты оларға ведомстволық бағынысты аумақта карантиндік шараларды қатаңдату жөнінде дербес шешім қабылдауға құқық береді.

Қаулы 2021 жылғы 24 қаңтардан бастап күшіне енеді.