Ақмола облысында қала көшелеріне әл-Фараби мен Роза Бағланованың есімі берілмек

АҚКӨЛ. ҚазАқпарат – Ақмола облысының Ақкөл қаласындағы 6 көше мен бір шағынауданның атауы өзгеруі мүмкін. Ақкөл аудандық мәслихаты осындай ұсыныс жазылған қаулыны ашық талқыға шығарды, деп хабарлайды ҚазАқпарат тілшісі.

«Мир көшесі - әл-Фараби, Первомай көшесі - Роза Бағланова, Привокзальная көшесі - Абай, Береговая көшесі – Жағалау, Горная көшесі – Атамекен, Абай көшесі – Аманат және Мектеп-интернат шағынауданы - Сарыарқа шағынауданы болып өзгертілсін», - делінген қаулыда.

Еске сала кетсек, бұған дейін Петропавлдың 16 көшесіне қазақша атау берілгенін жазған едік.