Ақмола облысында із-түзсіз жоғалған 18 жастағы жігітке іздеу жарияланды

None
КӨКШЕТАУ. ҚазАқпарат - Целиноград ауданы Қоянды ауылының18 жастағы тұрғыны Әділет Оразбекке іздеу жарияланды, деп хабарлайды ҚазАқпарат тілшісі Ақмола облыстық ПД баспасөз қызметіне сілтеме жасап.

Ведомствоның мәліметінше, Әділет биылғы мамырдың 17-сінде сағат 16:00 шамасында үйінен шығып кетіп, қайтып оралмаған.

«Мамырдың 22-сіне дейін анасы өзі іздеп көрген, одан нәтиже болмаған соң полицияға хабарласты. Әйелдің сөзінше, ұлы сол күні сағат 19:00-де ұялы телефонымен қоңырау шалып, жақын арада үйіне келетінін айтқан. Алайда, жігіт сол күйі келмеді. Жоғалған жігіттің орналасқан жерін анықтау мақсатында полиция қызметкерлері іздестіру шараларын қолға алды. Таныстары мен достарынан сұрастырды», - деді ведомстводан.

Жоғалған адамды іздеуге ПД бөлімшелері, Целиноград аудандық ПБ жеке құрамы, сондай-ақ, Астана қалалық ПД қызметкерлері тартылған.

Осы ретте, тәртіп сақшылары Әділет Оразбектің орналасқан жері туралы қандай да бір ақпараты бар немесе білетін адамдар болса, дереу 102 арнайы желісіне қоңырау шалуын сұрайды.

Айта кетсек, бұдан бұрын Ақмола облысында он күн бұрын жоғалған ер адамның денесі табылғанын жазған едік.


Соңғы жаңалықтар