Ақмола облысында «Газель» жыраға құлап, бір адам көз жұмды

КӨКШЕТАУ. ҚазАқпарат – Ақмола облысында екі көлік соғылып, салдарынан бір адам көз жұмды және тағы екі адам ауруханаға түсті, деп хабарлайды ҚазАқпарат тілшісі полицияға сілтеме жасап.

Жол апаты бүгін «Екатеринбор-Алматы» автожолының 1105 шақырымында Жалтыр ауылының маңында болған.

«Қостанай облысының 29 жастағы тұрғыны басқарған «Газель» автокөлігі жолдың қарсы бағытына шығып кетіп, «Маз» көлігімен соқтығысқан. Салдарынан «Газель» жолдың шетіндегі жыраға аударылды, жүргізушісі алған дене жарақатынан сол жерде көз жұмды. Ал, «Маз» көлігінің жүргізушісі 52 жастағы қостанайлық пен жолаушысы Астрахан аудандық ауруханасына жатқызылды», - деді аумақтық ПБ баспасөз қызметі.

Жол апатына қатысты сараптама тағайындалды.