15:29, 11 Сәуір 2016 | GMT +6
Ақмола облысында ер адам 8 қап кварц рудасымен ұсталды
КӨКШЕТАУ. ҚазАқпарат - Ақмола облысының 38 жастағы тұрғыны 8 қап кварц рудасымен ұсталды.
Бұл туралы облыстық ІІД баспасөз қызметінен хабарлады.
Полицейлердің мәліметі бойынша сәуірдің 10-ы күні таңғы сағат 08:35 шамасында Степногор қаласына қарасты Ақсу кентінде 1978 жылғы Заводской кентінің тұрғыны мінген «Ауди 80» көлігі тоқтатылған.
«Көліктің ішін тінту барысында жүк салғышынан 8 қап кварц рудасы табылды», - деді полицейлер.
Қазіргі кезде табылған заттай айғақтар тәркіленіп, күдіктіден ешқайда кетпеу жөнінде қолхат алынды.
Сонымен қатар, ҚР ҚК 334-бабы бойынша (заңсыз жер қойнауын пайдалану) қылмыстық іс қозғау мәселесі де қаралуда.