+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Ақмола облысында экология тақырбында халықаралық конференция өтті

2020 жылғы 2 желтоқсан 03:28
Бөлісіңіз:
Ақмола облысында экология тақырбында халықаралық конференция өтті

КӨКШЕТАУ. ҚазАқпарат – Ақмола облысында қазіргі жағдайдағы экологиялық мәдениет және экологиялық дүниетаным мәселесі бойынша жас педагогтардың халықаралық форумы өтті. Форумға Ресей ғалымдары қатысты, деп хабарлайды ҚазАқпарат тілшісі облыстық ішкі басқармасының баспасөз қызметіне сілтеме жасап.

Ұқсас жаңалықтар
Шымкентте полицейлер бір тәулікте 379 әкімшілік құқық бұзу әрекетін анықтады Жер бетінен 40 миллион гектардан астам орман жойылып кеткен Ақмола облысында киіктердің қырылуы қаупі төніп тұр

Форум қатысушылары экологиялық бағыттағы жобаларын ұсынды. Онлай режимде өткен форумда Ақмола облысының білім басқармасының басшысы Бейбіт Жүсіпов және Урал мемлекеттік экономикалық университетінің ректоры, экономика ғылымының докторы Силин Яков құттықтау сөз сөйледі.

«Мемлекет басшысы қазақстандықтарға арнаған «Жаңа жағдайдағы Қазақстан: іс-қимыл кезеңі» атты Жолдауында білім беруде өскелең ұрпақты экологиялық жағынан тәрбиелеуге басты мән беру керектігін алға қояды. Өйткені, экологиялық мәселе жылдан жылға өзекті болып келеді. Мемлекет басшысының тапсырмасын орындау шеңберінде білім басқармасы тарапынан өткізілетін іс-шаралардың жоспары жасалған. Соның бірі, бүгінгі өткізіліп отырған форум», - деп атап өтті Ақмола облысының білім басқармасының басшысы Бейбіт Жүсіпов.

Басқарманың мәліметінше, шараның басты мақсаты - экологиялық қызметтің ауқымын кеңейту, қоғамның назарын экология мәселесіне аудару, экологиялық мәдениет пен экологиялық дүниетанымды, басты экологиялық құндылықтар туралы түсінікті қалыптастыру.

Осы тақырыптар бойынша Ы.Алтынсарин атындағы Ұлттық білім академиясы орта білімді методологиялық сүйемелдеу орталығының директоры Ләззат Бәйімбетова, Урал мемлекеттік экономикалық университетінің профессоры, педагогика ғылымдарының докторы Наталья Вербицкая, Челябі білім беру қызметкерлерінің біліктілігін көтеру және қайта даярлау институтының кафедра меңгерушісі Татьяна Уткина баяндама жасап, өз тәжірибесімен бөлісті.

Осы ретте Аршалы ауданындағы Волгодоновка орта мектебінің физика пәні мұғалімі Ернар Жүркін, № 3 облыстық дарынды балаларға арналған мектеп интернатының биология пәнінің мұғалімі Бақытгүл Торсынова тәрізді түрлі республикалық және облыстық кәсіби, шығармашылық байқаулардың жүлдегері, жергілікті жас ұстаздардың да баяндамасы тыңдалды.

Форум соңында Ақмола облысының білім басқармасы мен Челябі облысының Білім министрлігі арасында халықаралық әріптестік туралы меморандумға қол қойылды.

Сонымен қатар, экологиялық білім және тәрбие берудегі жұмыстардың басты бағыттары бойынша ұсыныстар берілді.

Біздің каналымызға жазылыңыз:

Бөлісіңіз:

Автор:

Аслан Оспанов

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT