+7 (701) 759 90 19
USD 377.86 EUR 418.74
RUB 6.10 CNY 54.50
Jańalyqtar

Ақмола облысында бюджет көлемі 225,5 миллиард теңгені құрады

2019 жылғы 27 қараша 19:40
Бөлісіңіз:
Ақмола облысында бюджет көлемі 225,5 миллиард теңгені құрады

КӨКШЕТАУ. ҚазАқпарат - Ақмола облысында бюджет көлемі 225,5 миллиард теңгені құрады. Бұл туралы аймақ басшысы Ермек Маржықпаевтың төрағалығымен өткен әкімдіктің отырысында айтылды, деп хабарлайды ҚазАқпарат тілшісі әкімдіктің баспасөз қызметіне сілтеме жасап.

Ұқсас жаңалықтар
Түркістан облысында 736 жоба қаржыландырылды Роман Скляр ГФР бизнесмендерімен кездесті Ақмола облысында жастарға бөлінген ақшаны жымқырғандар сотталды

Биылғы жылдың 10 айындағы әлеуметтік-экономикалық даму және өңір бюджетінің атқарылу қорытындылары, сондай-ақ міндетті әлеуметтік медициналық сақтандыруды енгізуге дайындық барысы талқыланған жиында алдымен облыстық экономика және бюджеттік жоспарлау басқармасының басшысы Қанат Дүзелбаевтың баяндамасы тыңдалды. Ол атап өткендей, есепті кезеңде барлық макроэкономикалық көрсеткіштер орындалды. Нақты көлем индексі, ауыл шаруашылығы, өнеркәсіп өндірісінің жиынтық өнімі, инвестициялар, құрылыс жұмыстары көлемі, тұрғын үйлерді пайдалануға беру және басқа да көрсеткіштер өсті.

Талдау қорытындысы бойынша Ермек Маржықпаев салалық басқармаларға аудандар мен қалалардың әкімдіктерімен бірлесіп «қарапайым заттар экономикасы» шеңберінде жеңілдікпен кредиттеу мәселесін пысықтауды, өңдеу өнеркәсібі кәсіпорындарының қуаттылығын жүктеуді, құрылыс жұмыстарының оң қарқынын, адам капиталын арттыруға бағытталған іс-шаралардың орындалуын қамтамасыз етуді тапсырды.

Бюджеттің атқарылу қорытындысы туралы қаржы басқармасының басшысы Талғат Бөлтенов баяндады. Бюджеттің көлемі 225,5 миллиард теңгені құрады. Шығыс бөлігі 98,4 пайыз деңгейінде орындалды. Облыс әкімі бюджеттік бағдарламалардың әкімшілеріне, аудандар мен қалалардың әкімдіктеріне жылдың қорытындысы бойынша қаржыларды толық игеруді тапсырды.

Үшінші мәселе бойынша «Міндетті медициналық сақтандыру қоры» Ақмола облысы бойынша филиалының директоры Нұрлан Ақылбеков баяндады. Бүгінгі таңда міндетті әлеуметтік медициналық сақтандыруды енгізу шеңберінде облыс бойынша халықтың 77,4 пайыз өзектілендірілді. Сақтандырылған тұлғаның мәртебесін анықтауға мүмкіндік беретін арнайы ақпараттық жүйе іске қосылды. Ақмола облысы бойынша 2020 жылы 48,8 миллиард теңге көлемінде қаржыландыру жоспарланып отыр, ол 2019 жылғы бюджеттен 1,3 есе жоғары.

Ермек Маржықпаев салалық басқармаларға деректерді өзектілендіру бойынша жұмысты аяқтауды, міндетті әлеуметтік медициналық сақтандыру мәселелері бойынша түсініктеме беру жұмыстарын жалғастыруды тапсырды.

Біздің каналымызға жазылыңыз:

Бөлісіңіз:

Автор:

Аслан Оспанов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT