19:06, 18 Мамыр 2023 | GMT +6
Ақмола облысында бірнеше ауылдың атауы қазақшаланады
АСТАНА. ҚазАқпарат – Ақмола облысындағы бір ауылдық округ пен 2 елді мекеннің атауы өзгеруі мүмкін, деп хабарлайды ҚазАқпарат тілшісі.
Ашық НҚА порталында жарияланған өңір әкімдігінің қаулысы мен маслихаттың бірлескен шешім-құжатында көрсетілгендей, енді Ақмола облысында мына елді мекендерге қазақша атау берілмек:
- Атбасар ауданы Мариновка ауылдық округі Амантай ауылдық округі болып өзгереді;
- Атбасар ауданы Мариновка ауылдық округінің Мариновка ауылы Амантай ауылы болып өзгереді;
- Атбасар ауданы Сергеевка ауылдық округінің Самарка ауылы Бөріктал ауылы болып өзгереді.
Әкімдік пен маслихаттың бірлескен шешімі 1 маусымға дейін көпшілік талқылауда болады.
Бұрын хабарлағанымыздай, биыл Ақмола облысында 60 елді мекеннің ескі атауы қайтарылады.