+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Ақмола облысында аязда істен шыққан автобустан 100-ге жуық шетел азаматы құтқарылды

2018 жылғы 22 қаңтар 16:12
Бөлісіңіз:
Ақмола облысында аязда істен шыққан автобустан 100-ге жуық шетел азаматы құтқарылды

КӨКШЕТАУ. ҚазАқарат - Ақмола облысында аяздың салдарынан шетелдіктер отырған автобус істен шығып, жолаушыларға шұғыл көмек көрсетілді, деп хабарлайды ҚазАқпарат тілшісі.

ІІД баспасөз қызметінің мәліметі бойынша қатты аязға байланысты облыста тәртіп сақшылары күшейтілген режимде жұмыс істеуде. Бір тәуліктің ішінде полицейлер жолаушыларға лық толы үш автобусқа көмек көрсетті.

«21 қаңтар күні түнгі сағат 23:45-тер шамасында «Астана-Петропавл» тасжолының бойында «Петропавл - Сарыағаш» бағытындағы «Van Hool» атобусының дизель отыны аяздан қатып қалған. Сол кезде, көлік ішінде 43 адам отырған. Оның ішінде екі жүргізуші Оңтүстік Қазақстан облысының тұрғындары да, қалғаны Өзбекстан Республикасының азаматтары. Аталмыш жолда кезекшілік жасап жүрген тәртіп сақшылары мен құтқарушылар автобусқа көмекке келіп, жүргізушісі мен жолаушыларын Шортанды ауданының Бозайғыр ауылындағы кәсіптік техникалық училищесіне жайғастырды. Оған қоса, ыстық тамақ беріліп, түнейтін орынмен қамтамасыз етілді.

Сонымен қатар, «Көкшетау-Астана» тасжолының бойында 10 жолаушысы бар «Хюндай старекс» шағын автобусының дизель отыны қатып, істен шыққан. Бұл жолы аталмыш көлік жолаушылары өзге көліктерге отырғызылып сапарларын одан әрі жалғастырды.

Ал, 21 қаңтар күні түнгі сағат 01:50-лер шамасында Бұланды ауданының Макинск қаласы маңында «Мерке-Түмен» бағытындағы «Сетра» рейстік автобусы да сынып жолаушылар жолдан қалған. Бұл жолаушылар автобусының ішінде 55 жолаушы мен 2 көлік жүргізушісі болғаны анықталды. Жолаушылардың барлығы Тәжікстан Республикасының азаматтары. Олардың барлығы Макинск қаласына жеткізіліп, ыстық тамақ және түнейтін орынмен қамтамасыз етілді, деп түсіндірді баспасөз қызметіндегілер.

Біздің каналымызға жазылыңыз:

Бөлісіңіз:

Автор:

Аслан Оспанов

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT