Ақмола облысында автосервис механигі ұрлаған автокөлікпен жол апатына ұшырады

None
None
КӨКШЕТАУ. ҚазАқпарат – Ақмола облысында автосервис механигі көлік ұрлап, жол апатына ұшырады, деп хабарлайды ҚазАқпарат тілшісі.

Облыстық Полиция департаменті баспасөз қызметінің мәліметінше, биылғы 2 желтоқсанда кешкі сағат 20:13-те Бурабай аудандық ПБ кезекші бөліміне жергілікті тұрғыны жүгініп, техникалық қызмет көрсету станциясына жөндеуге апарған көлігінің ұрланғанын айтқан.

«Анықталғандай, техникалық қызмет көрсету стансасының 31 жастағы механигі мас күйінде арыз иесіне тиесілі «Нива» маркалы автокөлігін ТҚС аумағынан айдап әкеткен. Күдікті автокөлікпен жүріп, жедел басқару орталығының сыртқы бейнебақылау камерасының тірегіне зақым келтіріп, жол-көлік оқиғасын жасаған», - деді ведомстводан.

Қазіргі кезде, осыған байланысты Бурабай аудандық полиция бөлімі Қылмыстық кодекстің 200-ші бабының 1-ші бөлігі «автомобильді ұрлау мақсатынсыз заңсыз иелену» бойынша сотқа дейінгі тергеу шаралары қолға алынды.


Соңғы жаңалықтар