Ақмола облысында ауа райының қолайсыздығына байланысты бірқатар бағыттағы жолдар жабылды

КӨКШЕТАУ. ҚазАқпарат - Ақмола облысында ауа райының қолайсыздығына байланысты бірқатар бағыттағы жолдарда жүк және қоғамдық көліктердің қозғалысына уақытша шектеу қойылды.

Бұл туралы «Қазавтожол» РМК-ның баспасөз қызметінен хабарлады.

«Бүгін ауа райының күрт жылынуы (жаңбыр мен көктайғақ) салдарынан күндізгі уақыт 15:45 минут шамасында «Астана-Петропавл» тас жолының 231-293, 304-341 шақырымда, «Көкшетау-Рузаевка» тас жолының 0-61шақырымда, «Көкшетау-Омбы» тас жолының 2-50 шақырымында, «Көкшетау-Атбасар» тас жолының 0-184 шақырымында және Көкшетау қаласы аумағы мен Щучье-Бурабай курортты аймағына қатынайтын жолдардың бойында жүк және қоғамдық көліктердің қозғалысына шектеу қойылды», - деп көрсетілген хабарламада.