+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Ақмола облысында ағасы інісінің орнына ҰБТ тапсырмақ болды

2020 жылғы 21 тамыз 14:21
Бөлісіңіз:
Ақмола облысында ағасы інісінің орнына ҰБТ тапсырмақ болды

КӨКШЕТАУ. ҚазАқпарат - Ақмола облысында ағасы бауырының орнына ҰБТ тапсыруға тырысқан, деп хабарлайды ҚазАқпарат тілшісі Ақмола облысы бойынша Сыбайлас жемқорлыққа қарсы іс-қимыл департаментінің баспасөз қызметіне сілтеме жасап.

Ведомствоның мәліметінше, 18-20 тамыз аралығында Ш. Уәлиханов атындағы Көкшетау мемлекеттік университетінің базасында Ұлттық бірыңғай тестілеу өтті. Ақмола облысында 531 түлек тестілеуге қатысуға өтініш берді, оның ішінде 440 түлек қатысқан.

Айта кетейік, жоғары білім алудың қолжетімділігін арттыру мақсатында ЖОО-ға ақылы негізде түсу үшін түлектер тестілеуді жылына 4 рет тапсыра алады. ҰБТ-ның ашықтығы мен объективтілігін қоғамдық бақылау үшін Білім және ғылым министрлігінің бұйрығының негізінде жұмыс тобына байқаушы ретінде «Адалдық алаңы» жобалық кеңсесінің өкілдері кірді.

Мониторинг барысында 9 талапкер ҰБТ-ға жіберілмеді, тағы үшеуі аудиториядан шығарылды. Мұндағы басты себеп – талапкерлер тыйым салынған заттарды алып өтуге және қолдануға тырысқан, ҰБТ өткізу ережелерін бұзған.

«Талапкерлерді тестілеуге жіберу кезінде біз бөтен тұлғаны да анықтадық. Тестілеуден өтер алдында түлектердің қолында рұқсат қағазы және сәйкестендіру үшін жеке куәлігі болуы тиіс. Алайда, мектеп түлегі ретінде көрінген жас жігіт екі жеке куәлікпен келді. Кейінірек белгілі болғандай, ол інісінің орнына тест тапсыруға тырысты. Осы факті бойынша тиісті акт жасалды», - деп атап өтті «Ақмола - адалдық алаңы» жобалық кеңсесінің жетекшісі, жұмыс тобының мүшесі Самира Тайтенова.

Ақмола облысы бойынша Сыбайлас жемқорлыққа қарсы іс-қимыл департаменті оқушыларды тек өз біліміне ғана сүйене отырып, тест тапсыруға шақырады. Ал ата-аналарға тестілеу қорытындысы бойынша оң баға алу мақсатында пара бергені үшін қылмыстық жауапкершілік және бас бостандығынан айыру жазасы бар екенін ескертеді.

Егер азаматтар осындай жағдайға тап болса, 1424 Call-орталығына қоңырау шалуы тиіс.


Біздің каналымызға жазылыңыз:

Бөлісіңіз:

Автор:

Аслан Оспанов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT