Ақмола облысында абайсызда полиция қызметкері оққа ұшты

КӨКШЕТАУ. ҚазАқпарат - Целиноград ауданындық ІІБ кезекшілік бөлімінде полиция қызметкері абайсызда әріптесі тарапынан оққа ұшты, деп хабарлады облыстық ІІД баспасөз қызметінен.

Келеңсіз оқиға 28 сәуір күні Целиноград аудандық ІІБ кезекшілік бөлімінде орын алған. Кезекшілікті ауыстыру барысында полицейлердің бірі абайсызда әріптесіне табельдік қарудан оқ атқан. Абырой болғанда, оқ полиция қызметтерінің бел тұсынан тиген.

"Оққа ұшқан полиция қызметтерінің жағдайы қанағаттанарлықтай, дабыл кағатындай ештеңе жоқ. Оқ қасақана емес, абайсызда атылып кетті"- дейді ІІД баспасөз қызметінің жетекшісі Гүлнар Пинчук.