+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Ақмола облысында 7 қоқыс полигоны салынады

2021 жылғы 18 маусым 15:11
Бөлісіңіз:
Ақмола облысында 7 қоқыс полигоны салынады

НҰР-СҰЛТАН. ҚазАқпарат – Ақмола облысында қатты тұрмыстық қалдықтардың 7 жаңа полигоны салынады. Бұл туралы өңір әкімі Ермек Маржықпаев өңір елді мекендерін газбан қамтамасыз етуге қатысты айтты, деп хабарлайды ҚазАқпарат тілшісі.

Ұқсас жаңалықтар
Қарағандыда ғарыштық мониторинг 400-ден астам заңсыз қоқыс үйіндісін анықтады

«Экологиялық ахуалға байланысты жағдай барынша өзекті болып қалуда. Облыста шешім талап ететін бірқатар экологиялық мәселелер бар екені өздеріңізге белгілі. Экологиялық ахуалды жақсарту үшін, облыс әкімдігі салалық министрліктермен бірлесіп, өңірдің экологиялық мәселесін 2024 жылға дейін кешенді шешудің жол картасын әзірлеп бекітті», - деді Е. Маржықпаев Орталық коммуникациялар қызметінде.

Оның айтуынша, бұл құжатта атмосфераға зиянды шығарылатын заттарды тазалау және төмендету бойынша қазіргі заманғы технологияларды енгізу, газификациялау, қатты-тұрмыстық қалдықтардың 7 жаңа полигонын салу, Щучинск-Бурабай курорттық аймағының көлдерін тазалау, 5 электрстанция салу және тағы басқа да жобалар қарастырылды.

Осы орайда қатты-тұрмыстық қалдықтардың жеті жаңа полигоны Щучинск, Ақкөл қалаларында, Қорғалжын мен Аршалыда, Қосшыда, Коянды мен Зерендіде орналасады.

Сонымен қатар Көкшетау қаласында қоқысты сұрыптаумен тұрмыстық қалдықтардың жаңа полигонын салу бойынша жаңа жоба әзірленді.

Қазіргі кезде оны рәсімдеу жұмысы атқарылып жатыр.


Біздің каналымызға жазылыңыз:

Бөлісіңіз:

Автор:

Руслан Ғаббасов

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT