Ақмола облысында 60 орындық балабақша пайдалануға берілді

КӨКШЕТАУ. ҚазАқпарат - Ақмола облысында «Ақбота» балабақшасы есігін айқара ашты.

Бұл туралы облыс әкімінің баспасөз қызметінен хабарлады.

Астрахан ауданының Старый Колутон ауылында «Балапан» мемлекеттік бағдарламасы шеңберінде пайдалануға берілген балабақша бүлдіршіндер мен олардың ата-аналары үшін үлкен сый болды. Балабақша 60 балаға арналған және мұнда олардың тәлім-тәрбие алуына барлық жағдай жасалған.