Ақмола облысында 30-дан астам мектепке тарихи тұлағалардың есімі берілмек

НҰР-СҰЛТАН. ҚазАқпарат – Ақмола облысындағы 32 білім мекемесі мен 1 спорт мектебіне қазақтың тарихи тұлғаларының есімі берілуі мүмкін. Бұл туралы Үкіметтің тиісті қаулысы ашық талқылауға шығарылды, деп хабарлайды ҚазАқпарат тілшісі.

Қаулыға сәйкес, Көкшетау қаласының мектептеріне келесі тұлғалардың есімі беріледі:

- Қалалалық № 4 орта мектебіне ˗ Қаныш Сәтбаевтың;

- Қалалалық № 6 мектеп-лицейіне ˗ Дінмұхамед Қонаевтың;

- Қалалалық № 12 орта мектебіне ˗ Жұмағали Саинның;

- Қалалалық № 17 мектеп-гимназиясына ˗ Қожа Ахмет Йассауидің;

- Қалалалық № 19 орта мектебіне ˗ Абылай ханның;

- Қалалалық № 21 мектеп-лицейіне ˗ Евней Бөкетовтің.

Аршалы ауылы бойынша:

- Ауылдық № 1 орта мектебіне ˗ Шоқан Уәлихановтың;

- Ауылдық № 2 орта мектебіне ˗ Әл-Фарабидің.

Астрахан ауылы бойынша:

- Ауылдық № 1 орта мектебіне ˗ Асқар Сүлейменовтің;

- Ауылдық № 2 орта мектебіне ˗ Қаныш Сәтбаевтың.

Ал, Петровка мен Подгорное ауылдарындағы жалпы орта білім беретін мектептерге ˗ Қайрат Рысқұлбековтың, Новочеркасское ауылының мектебіне ˗ Ғабиден Мұстафиннің, Жаңатұрмыс ауылының мектебіне ˗ Рақымжан Қошқарбаевтың, Первомайка мектебіне ˗ Шәкен Ниязбековтың, Атбасар қаласының № 8 мектебіне ˗ Ілияс Есенберлиннің, Степняк қаласы мен Жақсы ауылының № 1 мектептеріне ˗ Ахмет Байтұрсынұлының, Макинка ауылының және Щучинск қаласындағы № 7 мектеп-лицейіне ˗ Бауыржан Момышұлының, Щучинск қаласының № 8 мектеп-гимназиясына ˗ Кенесары ханның, Егіндікөл ауылының № 1, Жақсы ауылының № 2 мектебіне ˗ Сәкен Сейфуллиннің, Беловодское ауылының мектебіне ˗ Смағұл Сәдуақасұлының, Отрадный ауылының негізгі орта мектебіне ˗ Ыбырай Алтынсариннің, Зеренді ауылының № 1 мектебіне ˗ Бәйкен Әшімовтің, Еленов ауылының мектебіне ˗ Жұмабек Тәшеневтің,Балкашин ауылының № 1 мектебіне ˗ Әлихан Бөкейханның есімі берілмек. Сонымен қатар, енді мамандандырылған Атбасар балалар мен жасөспірімдер спорт мектебі Анатолий Храпатыйдың есімімен аталады.

Еске салайық, бұған дейін Ақкөл қаласының көшелеріне әл-Фараби мен Роза Бағланованың есімі берілетірін жазып едік.